Punto G • Servizos Creativos é o estudo de Xurxo Bértola, profesional con décadas de experiencia en grafismo editorial, corporativo e publicitario. Comeza no mundo editorial da man de Sotelo Blanco Edicións en 1988 despois de licenciarse en Filosofía pola USC. Tras esta primeira experiencia no sector, decántase polo deseño gráfico e comeza a traballar nun gabinete de Barcelona en 1990 onde se centrará no deseño e produción de publicacións corporativas de compañías como Regal Insurance Club, ICI ou Virutex.
Aváliannos case tres décadas no eido da edición e o deseño gráfico. Somos especialistas en edición, grafismo e imaxe dixital.
En 1992 comeza a colaborar en nun grupo editorial internacional con sede en Sant Cugat del Vallés onde se especializa, ademais do deseño editorial, nas técnicas de tratamento de imaxe e reprodución en color de alta definición. Desempeña durante máis dunha anos o labor de desenvolvemento e dirección de calidade das publicacións. Tras quince anos nesta compañía, e despois de ter retomado a colaboración con Sotelo Blanco Edicións e mais coa Editorial Ronsel, regresa a Galicia en 2006 onde finalmente, desde 2008, se establece como profesional independente.
No eido da comunicación colabora desde 1997 a 2006 co xornal electrónico Vieiros, do cal foi correspondente en Barcelona e xestor da edición local durante case unha década. Vieiros foi o primeiro xornal electrónico en galego e unha referencia dos medios de comunicación dixitais en Galicia na primeira década deste século.
Confíanos a túa imaxe e a túa visibilización comercial e notarás a diferenza no trato e nos resultados.
Colabora tamén con Planeta de Agostini nas traducións ao galego das coleccións de DVDs que esta editora produce sobre o Patrimonio da Humanidade da UNESCO.
En 2012 constitúese como editor por conta propia baixo o selo Punto G Edicións e publica a tradución ao galego do O clan do oso das cavernas e mais O val dos cabalos de Jean M. Auel, dous best-sellers internacionais que abren a saga dos Fillos da Terra, unha serie literaria que acadou máis de 45 millóns de lectores e lectoras en todo o mundo.